عِسَ حّرّقٍ يٍ قَرِ
22 نَ شَنبِ عِسَ نَشَ عَ قَلَ عَ قْشِرَبِرّيٍ بّ، عَ عٍ شَ بَكِ كُنكُي كُي، عٍ شَ سِفَ عَ يَ رَ نَاكِرِ مَ، عَ تَن شَ نُ حَمَ رَفبِلٍن. 23 عِسَ تٌ فّ حَمَ رَفبِلٍندٍ، عَ نَشَ تٍ فٍيَ قَرِ عَ كٍرٍنيِ مَ، عَلَكٌ عَ شَ عَلَ مَشَندِ. كْي نَشَ عَ لِ نَا، عَ كٍرٍن. 24 عَ عَ لِشِ كُنكُي نُ بَرَ مَكُيَ شَرٍ رَ، مْرْنيِيٍ نُ نَ عَ مَبْنبْقٍ كِ قَنيِ رَ بَرِ مَ قٌيٍ يَ نُ رَقِندِشِ عَ مَ.
25 سُبَشّ مَ، عِسَ حّرّقٍ بَا قَرِ. 26 عَ قْشِرَبِرّيٍ تٌ عَ تٌ حّرّ رَ يٍ قَرِ، عٍ نَشَ فَاشُ كِ قَنيِ. عٍ نَشَ فبٍلٍفبٍلٍ، عٍ عَ قَلَ، «تُبَرِ نَن عَ رَ!» 27 كْنْ عِسَ نَشَ عَ مَسٍن عٍ بّ كٍرٍن نَ، «وٌ نَشَ كْنتْقِلِ، ﭑ تَن نَن عَ رَ. وٌ نَشَ فَاشُ.» 28 ثِيّرِ نَشَ عَ يَابِ، «مَرِفِ، شَ عِ تَن نَن عَ رَ، يَامَرِ قِ ﭑ شَ سِفَ عِ يِرٍ يٍ قَرِ.» 29 عِسَ نَشَ عَ قَلَ عَ بّ، «قَ.» ثِيّرِ تٌ فٌرٌ كُنكُي كُي، عَ نَشَ حّرّ يٍ قَرِ سِفَقٍ رَ عِسَ يِرٍ. 30 كْنْ عَ تٌ قٌيٍ بٍلٍبٍلٍ مَتٌ، عَ نَشَ فَاشُ، عَ مَدُلَ قْلْ. عَ نَشَ فبٍلٍفبٍلٍ، «ﭑ مَرِفِ، ﭑ نَكِسِ!» 31 عِسَ نَشَ عَ بّلّشّ عِتَلَ كٍرٍن نَ، عَ ثِيّرِ سُشُ. عَ نَشَ عَ مَسٍن عَ بّ، «عِ شَ دَنشَنِيَ شُرُن. عِ سِيكّشِ مُنقٍ رَ؟» 32 عٍ تٌ بَكِ كُنكُي كُي، قٌيٍ نَشَ رَشَرَ. 33 عِسَ قْشِرَبِرّ نَشٍيٍ نُ نَ كُنكُي كُي، عٍ نَشَ سُيِدِ عِسَ بّ، عٍ عَ قَلَ، «عَلَ شَ دِ يَتِ نَن لَنشِ عِ مَ.»
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)