مَتِيُ 22

سَدُ سٍنِيٍ عِسَ مَشْرِنقٍ قَشَمِشِيٍ شَ مَرَكٍلِ مَ

23 نَ لْشْي كٍرٍنيِ، سَدُ سٍنِيٍ نَشَ قَ عِسَ شْن. عٍ تَن نَن عَ قَلَمَ عَ قَشَمِشِيٍ مُ كٍلِمَ قَشّ مَ. عٍ نَشَ عِسَ مَشْرِن، 24 «كَرَ مْشْ، عَننَبِ مُنسَ عَ مَسٍن نّ، ‹شَ شّمّ ندٍ تَارَ قَشَ، عَ نَشَ عَ شَ فِنّ لُ عَ مُ دِ يٌ بَرِ، عَ نَ شُنيَ نَن نَ فِنّ دْشْمَ، عَلَكٌ عَ شَ بْنسْي قِ عَ تَارَ مَ.› 25 نَ كُي، شّمّ ندٍ نَشَ دِ شّمّ سٌلٌقٍرٍ سْتْ مُشُ يَ مَ بٍ. عَ شَ دِ سِنفٍ نَشَ فِنّ دْشْ، عَ قَشَ، عَ مُ بْنسْي يٌ لُ. عَ شَنبِرَتٌي نَشَ عَ شَ كَاحّ فِنّ تٌنفٌ، 26 كْنْ نَ قَن نَشَ قَشَ، عَ مُ بْنسْي يٌ لُ. نَ نَن مَن نَبَ نَ قَن شَنبِرَتٌي رَ، عَ نُن نَ مِشِ نَانِ دْنشْي بِرِن. عٍ بِرِن نَشَ قَشَ، عٍ سٍسٍ مُ بْنسْي لُ. 27 عَ دْنشْي رَ، فِنّ قَن نَشَ قَشَ. 28 نَ كُي، مَرَكٍلِ لْشْي، نَ فِنّ تٌ دْشْشِ يِ مِشِ سٌلٌقٍرٍ بِرِن شْن مَ، عَ قِندِ مَ ندٍ فبٍ رَ؟»

29 عِسَ نَشَ عٍ يَابِ، «وٌ نَ تَنتَنيِ كُي، بَرِ مَ وٌ مُ كِتَابُي كٌلٌن، وٌ مُ عَلَ سّنبّ قَن كٌلٌن. 30 مِشِيٍ نَ كٍلِ قَشّ مَ مَرَكٍلِ لْشْي، شّمّ مُ فِنّ دْشْمَ، فِنّ قَن مُ دْشْمَ شّمّ شْن. عٍ لُمَ نّ عَلْ مَلٍكّيٍ نَ عَرِيَننَ كِ نَشّ. 31 عَ قَلَقٍ تَن، عَ قَشَمِشِيٍ مُ كٍلِمَ قَشّ مَ، عَلَ نَشَن مَسٍن وٌ بّ، وٌ مُ نُ عَ شَرَن؟ 32 عَ عَ مَسٍن نّ، ‹ﭑ تَن نَن نَ مَرِفِ عَلَتَلَ رَ، عِبُرَهِمَ، عِسِيَفَ، نُن يَشُبَ نَشَن بَتُمَ.› قَشَمِشِيٍ شَ مُ عَلَ بَتُمَ، قٌ مِشِ حِحّ.» 33 حَمَ تٌ عِسَ شَ يَابِ مّ، عٍ نَشَ كَابَ عَ شَ قَسَرِ مَ.