3 عِسَ نُ مَفٌرٌشِ عٌلِوِ فٍيَ قَرِ تّمُي نَشّ، عَ قْشِرَبِرّيٍ نَشَ سِفَ عَ يِرٍ، عٍ عَ مَشْرِن عٍ دٌرٌ مَ، «نَ قٍ سَ رَبَمَ مُن تّمُي؟ عَ مَن سَ كٌلٌنمَ تْنشُمَ مُندُن مَ عَ عِ قَ وَشَتِ نُن دُنِحَ رَحْنيِ بَرَ مَكْرّ؟» 4 عِسَ نَشَ عٍ يَابِ، «وٌ مّننِ وٌ يّتّ مَ، مِشِ يٌ نَشَ قَ وٌ رَتَنتَن. 5 مِشِ وُيَشِ قَمَ ﭑ شِلِ قَلَدٍ عٍ يّتّ شُن مَ عَ قَلَقٍ رَ، ‹ﭑ تَن نَن نَ عَلَ شَ مِشِ سُفَندِشِ رَ.› نَ كُي، عٍ قَمَ مِشِ فبٍفبٍ رَتَنتَندٍ.»
6 «وٌ فٍرٍ قٍ مّمَ نّ، وٌ فٍرٍ ندٍيٍ شِلِ مّ، كْنْ وٌ نَشَ كْنتْقِلِ، بَرِ مَ قٌ نَ قٍ مْولِيٍ شَ رَبَ. نَ شَ مُ قِندِ مَ دُنِحَ رَحْنيِ رَ سِندٍن. 7 سِيٍ كٍلِمَ نّ عٍ بٌورٍ شِلِ مَ، حَمَنّيٍ عٍ بٌورٍ فٍرٍ. كَامّ سِنمَ نّ بْشِ وُيَشِ مَ، بْشِ قَن سّرّن يِرٍ فبٍفبٍ. 8 نَ قٍ بِرِن قِندِ مَ مَنتْورْلِيٍ قْلّ نَن نَ.»
9 «نَ تّمُي، مِشِيٍ وٌ سٌمَ نّ مَنفَسَنيِ يِ، عٍ شَ وٌ حَشَنكَتَ، عٍ وٌ قَشَ. سِيٍ بِرِن وٌ شْنمَ نّ ﭑ شِلِ شَ قٍ رَ. 10 دَنشَنِيَتْي فبٍفبٍ بِرَ مَ نّ تَنتَنيِ كُي نَ وَشَتِ، عٍ عٍ بٌورٍيٍ يَنقَ شْننَنتٍيَ كُي. 11 وُلٍ قَلّ فبٍفبٍ قَن عٍ يّتّ قِندِ مَ نّ نَمِحْنمّيٍ رَ، عٍ مِشِ فبٍفبٍ رَتَنتَن. 12 كٌبِحَ فبٌمَ نّ هَن مِشِ فبٍفبٍ شَ شَنُنتٍيَ شِنبٍلِ، 14 عَلَ شَ مَنفّيَ نِينِ شِبَارُ قَنيِ كَوَندِ مَ نّ دُنِحَ بِرِن كُي، عَ قِندِ سٍيدٍحْشْيَ رَ سِيٍ بِرِن بّ. نَ شَنبِ، دُنِحَ رَحْنيِ قَمَ عَ لِدٍ.»
29 «نَ حَشَنكَتّ وَشَتِ دَنفِ شَنبِ،
‹سٌفٍ عِقْورْ مَ نّ،
كِكٍ يَنبّ بَمَ نّ،
تُنبُييٍ بِرَ مَ نّ بْشِ،
سٍ نَشَن بِرِن نَ كٌورٍ مَ عٍ سّرّنمَ نّ.›»
30 «نَ تّمُي، عَدَ مَ شَ دِ شَ تْنشُمَ مِنِمَ نّ كٌورٍ مَ. دُنِحَ بْنسْي بِرِن سُننُنمَ نّ. عٍ عَدَ مَ شَ دِ تٌمَ نّ قَ رَ نُشُي كُي سّنبّ نُن نْرّ رَ. 31 عَ عَ شَ مَلٍكّيٍ شّيمَ نّ هَن دُنِحَ دَندٍ، عٍ شَ سَ عَ شَ مِشِ سُفَندِشِيٍ مَلَن سَرَ شُي رَ كٍلِ دُنِحَ تُنشُن نَانِ بِرِن مَ.»
36 «مِشِ يٌ مُ عَ كٌلٌن يِ قٍيٍ سَ رَبَمَ لْشْي نُن وَشَتِ يٌ مَ. هَلِ مَلٍكّ نَشٍيٍ نَ عَرِيَننَ، عٍ مُ عَ كٌلٌن، عَلَ شَ دِ قَن مُ عَ كٌلٌن، قٌ بَبَ عَلَ كٍرٍن ثٍتِ. 44 نَ نَن عَ رَ، وٌ قَن شَ وٌ تَفِ عِشِرِ، وٌ نَشَ يَنقَ، بَرِ مَ عَدَ مَ شَ دِ قَمَ وَشَتِ نَن مَ وٌ حْشْ مُ نَشَن مَ.»