فِنّدِ مّدِ قُ شَ تَالِ
1 «نَ وَشَتِ، عَلَ شَ مَنفّيَ لُمَ نّ عَلْ فِنّدِ مّدِ مِشِ قُ، نَشٍيٍ عٍ شَ لَنثُييٍ تٌنفٌ سِفَقٍ رَ فِنّدْشْي رَلَندٍ، عٍ شَ سَ لَن عَ شَ قُتِ شِرِ مَ. 2 نَ فِنّدِ مّدِيٍ يَ مَ، سُولِ، شَشِلِتَرٍيٍ، سُولِ، شَشِلِمَيٍ. 3 نَشٍيٍ قِندِ شَشِلِتَرٍيٍ رَ، عٍ نَشَ عٍ شَ لَنثُييٍ شَنِن، كْنْ عٍ مُ تُرٍ شَنِن عٍ شُن نَشَن سَمَ لَنثُييٍ كُي. 4 نَشٍيٍ تَن قِندِ شَشِلِمَيٍ رَ، كَنكَن نَشَ تُرٍ بِتِرّ شَنِن عَ شُن، عَ نُن عٍ شَ لَنثُييٍ.»
5 «فِنّدْشْي تٌ بُ قَقٍ رَ، شِ شْلِ نَشَ فِنّدِ مّدِيٍ سُشُ، عٍ نَشَ شِ. 6 كْي تَفِ، سْنشْي شُي نَشَ مِنِ، ‹فِنّدْشْي بَرَ قَ! وٌ سَ عَ رَلَن!› 7 فِنّدِ مّدِيٍ نَشَ كٍلِ، عٍ عٍ شَ لَنثُييٍ يَءِلَن. 8 شَشِلِتَرٍيٍ نَشَ عَ قَلَ شَشِلِمَيٍ بّ، ‹وٌ مُشُ كِ وٌ شَ تُرٍ ندٍ رَ، بَرِ مَ مُشُ شَ لَنثُييٍ نَ شُبٍنقٍ.› 9 كْنْ شَشِلِمَيٍ نَشَ عٍ يَابِ، ‹عَدٍ، عَ مُ وٌن بِرِن نَلِمَ. وٌ سِفَ تُرٍ مَتِيٍ شْن وٌ شَ سَ وٌ فبٍ سَرَ.› 10 نٍيٍ تٌ سِفَ تُرٍ سَرَدٍ، فِنّدْشْي نَشَ قَ. فِنّدِ مّدِ نَشٍيٍ نُ بَرَ تُرٍ سَ عٍ شَ لَنثُييٍ كُي، نٍيٍ تَن نَشَ بِرَ عَ قْشْ رَ، عٍ سٌ قُتِشِرِ شُلُنيِ، نَادّ قَ بَلَن عٍ شَنبِ رَ.»
11 «نَ دَنفِ شَنبِ، فِنّدِ مّدِ شَشِلِتَرٍيٍ قَن نَشَ قَ، عٍ عَ قَلَ، ‹مَرِفِ، مَرِفِ، نَادّ رَبِ مُشُ بّ.› 12 كْنْ عَ نَشَ عٍ يَابِ، ‹ﭑ شَ نْندِ قَلَ وٌ بّ، ﭑ مُ وٌ كٌلٌن.›»
13 «نَ كُي، وٌ نَشَ يَنقَ، بَرِ مَ وٌ مُ نَ لْشْي نُن نَ وَشَتِ كٌلٌن.»
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)