مَتِيُ 25

كِيتِ دْنشْي

31 «عَدَ مَ شَ دِ نَ قَ عَ شَ نْرّ كُي، عَ نُن عَ شَ مَلٍكّيٍ، عَ عَ مَفٌرٌ مَ نّ عَ شَ كِبَنيِ نْرْشِ كُي. 32 سِ بِرِن مَلَنمَ نّ عَ يَ رَ. عَ مِشِ مَيٍفٍتِمَ نّ عَلْ شُرُ سٍ دّ مَدٌنيِ يّشّييٍ نُن سِيٍ مَيٍفٍتِمَ كِ نَشّ. 33 عَ يّشّييٍ تِمَ نّ عَ يِرٍقَنيِ مَ، عَ سِيٍ قَن تِ عَ كْولَ مَ.»

34 «نَ تّمُي، مَنفّ عَ قَلَمَ نّ مِشِيٍ بّ نَشٍيٍ نَ عَ يِرٍقَنيِ مَ، ‹وٌ قَ، ﭑ بَبَ نَشٍيٍ بَرَكَشِ. وٌ قَ مَنفّيَ سْتْ وٌ كّ رَ، مَنفّيَ نَشَن يَءِلَنشِ وٌ بّ كَبِ دُنِحَ قْلّ. 35 بَرِ مَ كَامّ تٌ نُ ﭑ مَ، وٌ نَشَ ﭑ كِ دٌنسٍ. يٍ شْلِ تٌ نُ ﭑ مَ، وٌ نَشَ ﭑ كِ يٍ. شْحّ تٌ نُ ﭑ نَ، وٌ نَشَ ﭑ يِفِيَ. 36 ﭑ مَفٍلِ تٌ نُ عَ رَ، وٌ نَشَ دُفِيٍ قِ ﭑ مَ. ﭑ تٌ نُ قُرَشِ، وٌ نَشَ قَ مّينِ ﭑ مَ. ﭑ تٌ نُ سَشِ فٍيلِ، وٌ نَشَ قَ ﭑ يِرٍ مَتٌدٍ.›»

37 «نَ تّمُي، تِنشِنتْييٍ عَ مَشْرِنمَ نّ، ‹مَرِفِ، مُشُ عِ تٌ كَامّ كُي مُن تّمُي، مُشُ قَ عِ كِ دٌنسٍ، شَ نَ مُ يٍ شْلِ رَ، مُشُ قَ عِ كِ يٍ؟ 38 مُشُ عِ تٌ شْحّيَ رَ مُن تّمُي، مُشُ قَ عِ يِفِيَ، شَ نَ مُ عِ مَفٍلِ رَ، مُشُ قَ دُفِيٍ قِ عِ مَ؟ 39 مُشُ عِ قُرَشِ تٌ مُن تّمُي، شَ نَ مُ عِ سَشِ فٍيلِ، مُشُ قَ سِفَ عِ يِرٍ مَتٌدٍ؟› 40 مَنفّ عٍ يَابِمَ نّ، ‹ﭑ شَ نْندِ قَلَ وٌ بّ، وٌ نَشَن يٌ رَبَ ﭑ نفَشَكٍرٍنيِ مِشِ شُرِ ندٍ بّ، وٌ عَ رَبَشِ ﭑ تَن نَن بّ.›»

41 «نَ شَنبِ، عَ عَ قَلَمَ نّ مِشِيٍ بّ نَشٍيٍ نَ عَ كْولَ مَ، ‹وٌ وٌ مَكُيَ ﭑ نَ، وٌ تَن مِشِ دَنكَشِيٍ، وٌ سَ سٌ تّ شْورَ نَشَن يَءِلَنشِ عِبُلِسَ نُن عَ شَ مَلٍكّيٍ بّ، نَشَن مُ شُبٍنمَ عَبَدَن. 42 بَرِ مَ كَامّ تٌ نُ ﭑ مَ، وٌ مُ ﭑ كِ دٌنسٍ. يٍ شْلِ تٌ نُ ﭑ مَ، وٌ مُ ﭑ كِ يٍ. 43 شْحّ تٌ نُ ﭑ نَ، وٌ مُ ﭑ يِفِيَ. ﭑ مَفٍلِ تٌ نُ عَ رَ، وٌ مُ دُفِيٍ قِ ﭑ مَ. ﭑ قُرَشِ تٌ نُ عَ رَ، ﭑ مَن تٌ نُ سَشِ فٍيلِ، وٌ مُ قَ مّينِدٍ ﭑ مَ.›»

44 «نَ تّمُي، عٍ قَن عَ مَشْرِنمَ نّ، ‹مَرِفِ، مُشُ عِ تٌ مُن تّمُي كَامّ نَ عِ مَ، شَ نَ مُ يٍ شْلِ، شَ نَ مُ عِ قِندِشِ شْحّ رَ، شَ نَ مُ عِ مَفٍلِ رَ، شَ نَ مُ عِ قُرَشِ، شَ نَ مُ عِ سَشِ فٍيلِ، مُشُ قَ تٌندِ عِ مَلِدٍ؟› 45 مَنفّ عٍ يَابِمَ نّ، ‹ﭑ شَ نْندِ قَلَ وٌ بّ، وٌ مُ نَشَن يٌ رَبَ ﭑ نفَشَكٍرٍنيِ مِشِ شُرِ ندٍ بّ، وٌ تٌندِشِ عَ رَبَدٍ ﭑ تَن نَن بّ.› 46 حَشَنكَتّ نَن نَفَتَشِ نَ مِشِيٍ بّ عَبَدَن، كْنْ تِنشِنتْييٍ تَن عَبَدَن كِسِ نَن سْتْمَ.»