15 «وٌ وٌ يّتّ رَتَنفَ وُلٍ قَلّيٍ مَ نَشٍيٍ عٍ يّتّ قِندِشِ نَمِحْنمّيٍ رَ. عٍ قَمَ وْيّنيِ حْشُنمّ رَ وٌ مَ، كْنْ عٍ حَنِفٍ مُ قَن قٍوٌ! 16 وٌ عٍ كٌلٌنمَ عٍ شَ كّوَلِ نَن مَ. كُسُ بَمَ بَافِ بِلِ كْن نَ؟ شْرّ بَمَ تُنبٍ بِلِ مَ؟ 17 سَنسِ قَنيِ بٌفِ قَنيِ نَن نَمِنِمَ، سَنسِ كٌبِ قَن بٌفِ كٌبِ نَن نَمِنِمَ. 18 سَنسِ قَنيِ مُ نْمَ بٌفِ كٌبِ رَ مِنِدٍ، سَنسِ كٌبِ قَن مُ نْمَ بٌفِ قَنيِ رَ مِنِدٍ. 19 سَنسِ نَشَن مُ بٌفِ قَنيِ رَ مِنِمَ، عَ سّفّمَ نّ، عَ وٌلِ تّ عِ. 20 نَ كُي، وٌ نَ مِشِيٍ كٌلٌنمَ عٍ شَ كّوَلِ نَن مَ.»
نَشٍيٍ مُ عَلَ سَفٌي رَبَمَ
لُكِ ٦؛٤٦، ١٣؛٢٥ ٬ ٢٧
21 «مِشِ نَشٍيٍ عَ قَلَمَ ﭑ بّ، ‹ﭑ مَرِفِ، ﭑ مَرِفِ،› عٍ بِرِن شَ مُ سٌمَ عَلَ شَ مَنفّيَ نِينِ بُن مَ، قٌ نَشٍيٍ ﭑ بَبَ سَفٌ رَبَمَ نَشَن نَ عَرِيَننَ. 22 نَ لْشْي مِشِ فبٍفبٍ عَ قَلَمَ نّ ﭑ بّ، ‹مُشُ مَرِفِ، مُشُ مَرِفِ، مُشُ مُ وْيّن شّ عِ شِلِ رَ؟ مُشُ مُ حِننّيٍ كٍرِ شّ عِ شِلِ رَ؟ مُشُ مُ كَابَنَكٌ فبٍفبٍ رَبَ شّ عِ شِلِ رَ؟› 23 نَ تّمُي ﭑ نٍيٍ يَابِمَ نّ، ‹ﭑ مُ وٌ كٌلٌن قٍوٌ! وٌ تَن قٍ كٌبِ رَبَيٍ، وٌ كٍلِ ﭑ يَ عِ.›»
بَنشِتِ قِرِن شَ تَالِ
لُكِ ٦؛٤٧ ٬ ٤٩