مِشِ رَقِسَقٍ عَ بٌورٍ بّ
1 ﭑ نفَشَكٍرٍنيِيٍ، وٌ نَشَ مِشِيٍ رَقِسَ عٍ بٌورٍ بّ، بَرِ مَ وٌ دَنشَنِيَشِ وٌن مَرِفِ عِسَ نْرّ كَنيِ نَن مَ، عَلَ شَ مِشِ سُفَندِشِ. 2 وٌ شَ وٌ مَحْشُن يِ مَ؛ مِشِ ندٍ نَشَ قَ وٌ مَلَنشِ دّننَشّ، شُرُندّ شّيمَ دَاشِ نَ عَ بّلّشّ رَ، دُفِ تٌقَنيِ رَفٌرٌشِ عَ مَ. سٍتَرٍ قَن نَشَ قَ، دُفِ قٌرِ تٌحَاشِ رَفٌرٌشِ عَ مَ. 3 شَ وٌ دُفِ تٌقَنيِ كَنيِ شّيبُ عَ قَنيِ رَ، وٌ قَ عَ قَلَ عَ بّ، «عِ مَفٌرٌدٍ قَنيِ نَن يِ كِ،» كْنْ وٌ قَ عَ قَلَ سٍتَرٍ تَن بّ، «تِ مّننِ،» شَ نَ مُ عَ رَ، «دْشْ بْشِ، ﭑ بُن مَ بٍ،» 4 وٌ مُ مِشِ رَقِسَشِ عَ بٌورٍ بّ شّ نَ كِ؟ وٌ مُ حّرّشِ مَحْشُن كٌبِ شَ رَ نَ كِ؟
5 ﭑ نفَشَكٍرٍنيِ شَنُشِيٍ، وٌ وٌ تُلِ مَتِ ﭑ نَ. عَلَ بَرَ مِشِيٍ سُفَندِ نَشٍيٍ قِندِشِ سٍتَرٍيٍ رَ دُنِحَ كِ مَ، عَلَكٌ عٍ شَ قِندِ بَننَمِشِيٍ رَ دَنشَنِيَ كِ مَ. عَلَ بَرَ عٍ سُفَندِ عَلَكٌ عٍ شَ قِندِ كّتٌنفٌي رَ عَ شَ مَنفّيَ كُي. نَ نَن لَايِدِشِ مِشِيٍ بّ نَشٍيٍ عَلَ شَنُشِ. 6 كْنْ وٌ تَن، وٌ بَرَ سٍتَرٍيٍ مَبٍرٍ. بَننَمِشِيٍ شَ مُ وٌ تْورْ مَ، عٍ وٌ شَنِن كِيتِسَ شْن مَ؟ 7 عٍ تَن شَ مُ وٌ مَرِفِ شِلِ قَنيِ رَ سْتْمَ؟
8 وٌ شَ مَنفّ عَلَتَلَ شَ سّرِيّ نَن نَبَتُ، عَلْ عَ سّبّشِ كِتَابُي كُي كِ نَشّ، «عِ شَ عِ بٌورٍ شَنُ عَلْ عِ يّتّ كَن فُندِ.» شَ وٌ نَ رَبَ، وٌ بَرَ بِرَ قٍ قَنيِ قْشْ رَ. 9 كْنْ شَ وٌ مِشِ ندٍيٍ رَقِسَ عٍ بٌورٍ بّ، وٌ بَرَ يُنُبِ رَبَ. سّرِيّ نَن وٌ مَكِيتِمَ، بَرِ مَ وٌ بَرَ قِندِ سّرِيّ مَتَندِلَيٍ رَ.