دَنشَنِيَ نُن عَ كّوَلِ
14 ﭑ نفَشَكٍرٍنيِيٍ، عَ تِدٍ يٌ مُ نَ شَ مِشِ عَ قَلَ عَ عَ دَنشَنِيَشِ، كْنْ عَ مُ كّوَلِ قَنيِ رَبَمَ. يِ دَنشَنِيَ مْولِ نْمَ مِشِ رَكِسِدٍ؟ 15 شَ وٌ نفَشَكٍرٍنيِ مَفٍلِ نَ عَ رَ، لْشْي كٍرٍن بَلٌي مُ نَ عَ يِ رَ، 16 مِشِ ندٍ قَ لُ وٌ يَ مَ عَ عَ قَلَ عَ بّ، «سِفَ، عِ نَشَ كْنتْقِلِ، عِ شَ دُفِ ندٍ رَفٌرٌ عِ مَ، عِ شَ عِ دّفٍ،» كْنْ عَ قَ لُ عَ مُ عَ شَ كْنتْقِلِ بَ، نَ كَنيِ شَ وْيّنيِ تِدٍ يٌ مُ نَ. 17 دَنشَنِيَ نَ نَ كِ نّ. شَ عَ مُ مِشِ تُتُنمَ وَلِ قَنيِيٍ رَبَقٍ مَ، عَ تِدٍ يٌ مُ نَ.
18 كْنْ مِشِ ندٍ نْمَ عَ قَلَدٍ، «عِ تَن، دَنشَنِيَ كَنيِ نَن عِ رَ، كْنْ ﭑ تَن قٍ قَنيِ رَبَ نَن ﭑ نَ.» كَتَ عِ شَ عِ شَ دَنشَنِيَ مَسٍن ﭑ بّ وَلِ قَنيِ شَنبِ. ﭑ تَن ﭑ مَ دَنشَنِيَ مَسٍنمَ عِ بّ ﭑ مَ كّوَلِ قَنيِ نَن سَابُي رَ. 19 عِ لَشِ عَ رَ، عَ عَلَ كٍرٍن نَ عَ رَ. نَ قَن كِ قَنيِ، كْنْ هَلِ حِننّيٍ لَشِ نَ رَ، عٍ سّرّن فَاشُي رَ. 20 عِ تَن شَشِلِتَرٍ، عِ مُ عَ كٌلٌن دَنشَنِيَ نَشَن مُ كّوَلِ قَنيِ رَ مِنِمَ، عَ تِدٍ يٌ مُ نَ؟ 21 مُنقٍ عَ نِيَ وٌن بَبَ عِبُرَهِمَ نَشَ قِندِ تِنشِنتْي رَ عَلَ يَ عِ؟ عَ مُ قَتَن عَ شَ كّوَلِيٍ شَ مَ، عَ تٌ عَ شَ دِ عِسِيَفَ قِ عَلَ مَ سّرّشّبَدٍ قَرِ؟ 22 عِ بَرَ عَ تٌ، دَنشَنِيَ نُ وَلِقٍ نّ عَ نُن عَ شَ كّوَلِ. كّوَلِ نَن دَنشَنِيَ رَكَمَلِمَ. 23 نَ كُي، عَ نَشَ رَبَ عَلْ عَ سّبّشِ كِتَابُي كُي كِ نَشّ، «عِبُرَهِمَ نَشَ لَ عَلَ رَ. عَلَتَلَ قَن نَشَ نَ قِندِ تِنشِنيِ رَ عَ بّ.» عِبُرَهِمَ شِلِ نَشَ قَلَ «عَلَ شَنُنتٍنيِ». 24 وٌ بَرَ عَ تٌ، عَدَ مَدِ شَ كّوَلِ قِندِ مَ تِنشِنيِ نَن نَ عَ بّ، عَ شَ دَنشَنِيَ فبَنسَن شَ مُ عَ رَ.
25 لَنفٌي فِنّ رَشَبِ قَن شَ كّوَلِ شَ مُ قِندِ تِنشِنيِ رَ عَ بّ، عَ تٌ شّيرَيٍ رَ سّنّ عَ شْنيِ، عَ كِرَ مَسٍن عٍ بّ عٍ عٍ فِمَ نَشَن نَ؟ 26 مِشِ نِي نَ سِفَ، عَ قَتٍ قَشَمَ نّ. نَ كُي، شَ كّوَلِ قَنيِ مُ نَ، دَنشَنِيَ قَن حْنمَ نّ.