Lucas 1

59 Po waktu ta yomya njé reni ngané walé né mare rcunat i, rdéréré agama Yahudi ni aturané. Se kyaté-kyat ta rtolén néli re lima po Elisabeté ni um lapo bóngo fténo re ramo né rwómé rfajól pocé nóté. Bo rfangósno yomya njé Zakharia, nfamgo re ni moke njé ni ngósno né. 60 Mayta ni neke njé wlo pa. Se nécegé si faje, "Matiné! Mare tfangósno i Yohanesé."

61 Tabóngo kyaté-kyat ta si pocé né récegé i faje, "Mayta po férimé faftén re farémóné mewé né, reni isó pa ta ngósno Yohanesé." 62 Pocé tabóngo rutné Zakharia né rfaftulo re faori, ta ni ngale né, "Ntimé nje bo mfangósno i pai?"

63 Tabóngo Zakharia néror lóy ta rpaké rlefo né, nfaftulo re fao se rpo i. Bóngo nlefo né ni glio faje, "I ni ngósno né Yohanesé." Se férimé kyat ta pocé né rherané.

64 Tabóngo po waktu ta néi óro, Zakharia re bisa nméiténé nmulé, pocé ga ntail Jou Lahatala.