Adeade yomya isó ta némyangésé
11 Yesusé nécegé nóté, "Reni légaé isó, ni ntu món séluwé. 12 Bóngo ta wyóy i njé, nécegé ni moke njé faje, ‘Moke, mfanténé keé rór haréta né bo ya nak téné né kyó keé óro!’ Tabóngo légaé njé nfanténé keé nó haréta né po ni ntu món séluwé nesté ni. 13 Pocé ni ngané fis néli, tabóngo ni ntu ta wyóy i njé nwagé keé nó ténténé né ndimé tabóngo nfan i po bótén ta lówé. Néli faje, nfalubiru keé ni pipisé né sogado re tiso, tabóngo ni hidupé né ma re métegél pana.
20 Tabóngo nfatoléné keé bótén ta ntolno i njé, se néléy po ni moke njé ni. Ta néléyé né, lów i lesu nwómo ni um pafule, ni moke njé re némnaw i se tadélé nmésié i, tabóngo ncéreré néli se négbi i ga nfótén i.
22 Mayta ni moke njé nkakémé ni kyaté-kyat ta rpe yabé né, se nécegé si faje, ‘Famla le fut juba tadélé nbirahi njé lima bo fduo i, bóngo fduo i yaliyali po kakolo lo, re sandal po sóo lo. 24 Sababta ntig ta njéi, tadolo re nmóté mayta nte re npangéné nmulé. Tadolo némyangésé se re kduk i nmulé.’ Pocé ga si rpe rameangé.