Lucas 8

Yesusé nfatébén rato njé

22 Nuéncó, Yesusé I re ni motemote nesté rcapél si po yel ta pélóy esó ni. Pocé tabóngo nécegé ni motemote nesté faje, "Lima bo tpe néli po talaga féspalé." Tabóngo rpe néli. 23 Se ta rcobélé lesu né, Yesusé nyénéf I. Néga télél be moré rato njé ntebé se méwruwé nje nawét sogado riri yelé né ma re békbako re wóe sogado re bo rémdiré.

24 Se ni motemote nesté rfapangén I, bóngo réceg faje, "Guru, ité nte nase bo tmóté!"

Pocé npangéné se nfatébén moré re méwruwé né. Tabóngo moré re méwruwé néma ntébéné, se talaga njé tadélé nmaklóngéné.

25 Tabóngo nécegé ni motemote nesté faje, "Fpe sói se fdélé Ya pa?"

Pocé rémtat re rherané, se rfalécego faje, "Moré re méwruwé né rtébéné, rdéréré ni parenta né se! Kyat ta njé pai é, sogado moré re méwruwé ma rtébéné né?"