Marcos 7

11 Mayta mewé ga ffasodoto kyaté, sói ta kyaté né bo rdo riri moke re neke né, mewé fécegé matiné, ta fié né fpeé keé nimi sadaka po Jou Lahatala ni. 12 Iga fpe fajé, necé ffasodoto ité bo ma tgali rir déluté nesté na. 13 Necé mewé re fpalté keé Jou Lahatala ni dodoto né, se fiwno keé re ité rir gele re gae riri aturan ta mnap po ntur re gburé né. Fajé nóté, reni félé lesu ta fénpe né, sogado Jou ni dodoto né ma fdéréré pana!"

Méitén ta lé ta nfalélé it po Jou Lahatala ni né

14 Rewóré ta néi, Yesusé nkakémé kyat ta félé né nmulé, bóngo nécegé si faje, "Flongé fafié ta Ya kécegé nte, bo fsae. 15 Sói ta tfasung po sumoré lo né, necé nfalélé it po Jou Lahatala ni pa. Mayta ta tcópné tdélé po sumoré lo né, necé ta nfalélé it po Jou Lahatala ni né. [