Mateus 15

3 Bóngo Yesusé ncónglo si, "Mewé ma fdéréré pa Jou Lahatala ni parenta né, se maduga fdéréré be nimi délut tatubé lima nesté riri aturané né. 4 Sababta reni Jou Lahatala ni parenta né tadolo faje, ‘Mewé mare fhoromaté nimi moke re neke nesté,’ bóngo, ‘Pai ta nfakcegé ni moke pari ni neke njé, nase rfasól i sogado nmóté.’*15:4 Nabi Musa nlefo ta Jou nané ta né po buk Keluaran 20:12 re po buk Imamat 20: 9. 5 Mayta mewé ga ffasodoto kyat iglé né, iga róri sói néli ta bo rgali riri moke pari neke nesté né ma rpo si na, bo ta fié né rfara keé bo rpeé riri sadéka po Jou Lahatala ni. 6 Mewé nimi dodoto ta néi, tadolo fané si bo ma rgali riri moke pari riri neke nesté na. Iga fpe fajé, necé fdéréré pana Jou Lahatala ni parenta né, se maduga fdéréré be menimi aturané né le.