Matius 22

17 Se ta mulo am lima nte, bo kutné Awé, iga tdéréré ité rir aturan agama, bisa pari tisé tpólés pajak po kolano Roma ta nkawasa po ité rir bóténé lo né?"*22:17 Kyat Yahudi ta rdéréré dodoto Farisi né, rutné bo réyówé Yesusé nó sélsólé. Se iga Yesusé nécegé tpólés po pemerintah Roma na, nase kyat Roma né rfasól I. Iga nécegé ma tpo sadaka po Jou Lahatala ni na, nase kyat Yahudi né rfasól I. Mayta Yesusé nuné keé si, se nécegé bo rpo abén luwé né ndimé.

18 Mayta Yesusé re nuné keé wlori ta lé né. Se nécegé si faje, "Ce, mewé nte kyat ta fmalólé, fpe sói se bo féyówé nak sélsólé? 19 Coba fpo fapusó lima, pipis ta rénpólso pajaké né, bo kémnaw i!" Bóngo rpo I pipis perak pusó néli. 20 Se Yesusé nutné si, "Gambar re ngósén ta nte, pai ta ni?"

21 Si rcónglo I, "Kolano Roma ta npélóyé njé ni."

Bóngo Yesusé nécego si faje, "Pana fajé, pua ta kolano Roma njé ni fpo kolano njé, pua ta Jou Lahatala ni, fpo Jou Lahatala."