Mateus 24

21 Sababta po ngénngan ta néi, fatuw-fatuw ta kyaté né tadélé rkangelangé, lebe kangelang po férimé kyat ta re rbósémé ntubé né. Po faywóbno ta Jou Lahatala ntulada dunia nje sogado nete né, kangelang ta dolo fajé né tduk pafule. Sogado ngénngan ta kangelangé né rewóré ma, nase reni pana ta dolo fajé né. 22 Se iga ngénngan ta kangelangé né ga Jou Lahatala npe sogado mnuwé, kyaté né réfen pa se nase rmóté ndimé. Mayta Jou Lahatala nmésié ni kyat ta re npili si né, se nfakétobé keé ngénngan ta kangelangé né.