Mateus 5

14 Kfatailo mewé né dolo manano ta nfaménano yéfén po dunia nje ni wlólo nte bo kyaté-kyaté né rdéréré Jou. Manano ta njé i masike tépiné i ma nase kyaté né rémnaw i le, tfailo dolo kota ta po métét papo lo né. 15 Fajé nóté re logaloga né. Iga kyaté né résting i rewóré, bisa pa bo rfarfura keé i, mayta mare rétewlé i po ya bo nfamanano farimé kyat ta si po umé wlólo né. 16 Fajé nóté re mewé. Nimi féifié né mare fpe po kyaté-kyaté bo rémnawé, bo si ma rtail re rfapélóyé nimi Moke Jou Lahatala ta I po soroga njé nóté."