Matius 9

23 Rewóré ta néi, Yesusé nfané nfalów sogado nwóm po légaé Yairusé ni umé lo. Pocé ncung néminé ga némnawé reni kyaté-kyat ta rénufé riri sulingé, reni ta rtangésé se tadélé gégliné. 24 Mayta Yesusé nécegé kyat ta pocé né, "Fsópéné ndimé, sababta yomya mépiné njé nmót pa, maduga nyénéfé le." Rlongé ta Yesusé néceg fajé né, si ga rémlifo keé I, sababta runé yomya njé re nmóté.

25 Se ta kyaté-kyaté né rcópéné ndimé, tabóngo Yesusé ncung némin po yomya njé ni kamaré lo. Pocé nétané yomya njé ni fao né, tabóngo npangén i nmulé.