João 13

Jisu ninyigv lvbwlaksu vdwgv lvpa nga harkakto

1 So si Vngbokunam Pumja aluv loma dwbv loochoyanv alu bv rito. Jisu ninyigv nyiamookua kayupikula okv Abu gvlo vngdwv aaduku vla chintoku. Nw nyiamooku so nw gvbvrinv vdwa alu gv dwkia arwng rungbv paktoku okv nw bunua ataranya alu lobv pakbwngre.

2 Jisu la ninyigv lvbwlaksu vdwv dvnam dvla doonyato. Uyudvbv ngv Saimon Iskeriot gv kuunyilo Judas Iskeriot gv haapok lo Jisunyi kubdubv mvnggv nvnv nga lwkro toku.*13:2 Uyudvbv Jisu kulakuatvku; VmaloUyudvbv ngv mimbwktvku Simon iskeriot gv kuunyilo Judas, jisunyi kulakuariku 3 Jisu Abu ninyia jwkrw mvnwngnga jilwk pvku vla chintoku; nw Pwknvyarnv gvlokv aanv ngv okv Pwknvyarnv gvlo vngtv rikunv vla chintoku. 4 Vkvlvgabv hv tvbul lokv dakrap toku, ninyigv agumlo vji a pilin toku, okv vbee vkv leit am puchingsito. 5 Vbvrikunamv nw gamla lo isi mego pwlwkto okv lvbwlaksu vdwgv lvpa vdwa harkak kakrap toku okv ninyigv leit lo puchingnam vbee lokv tipw toku. 6 Nw Saimon Pitar gvlo aatoku, Pitar ninyia mintoku, "Ahtu, no ngoogv lvpa nga harkak dubvi?"

7 Jisu ninyia mirwkto, "No vjak chimare ngo ogugo ridung dunvdw, vbvritola no kokwngnyi chireku."

8 Pitar minbwk toku, "Vdwloka ogubv rijeka no ngoogv lvpa nga harkak maji nvngv!"

Jisu minrwkto "Ngo nonugv lvpa nga harkak mabolo, nonu ngoogv lvbwlaksubv rinyu mare."

9 Saimon Pitar mirwkto, "Ahtu, ngoogv lvpa mvngchik ka harkak mabv, vbvkubolo! ngoogv laak okv dumpo ngaaka harkak labv!"

10 Jisu minto, "Yvv bunudw horsok sokro pvkunv bunu mvnwngngv darwk pvkunv okv bunu atuv harkak sise kaakuma, bunugv lvpa*13:10 Megonv kitaplo doomado bunu mvngchikgv lvchu vmwng vdwa mwngku. Nonu mvnwngngv darwk pvku—akin gomwng." 11 Jisu chintoku yvvdw ninyia kubjinv angv; vkvlvgabv nw minto, "Mvnwngngv darwk pvku, akin gomwng."

12 ✝ 13:12-15: Lk 22:27 Jisu bunugv lvpa vdwa harkakro kochingbv nw ninyigv agum gv vji a pilwk sutoku okv ninyigv dooku tvbul lo aakur toku. Nw tvvkato, "Ngo vjak nonua ogugo ripvdw nonu chimpvre?" 13 "Nonu nga Ahtu okv Tamsarnv vla mindu, okv si rijwkkv nonu svbv rila, ogulvgavbolo ngo vbv rirungdo. 14 Ngo, nonugv Ahtu okv Tamsarnv, vjak nonugv lvpa vdwa harkakto. Vbvrikunamv, nonuka, akonv akonvgv lvpa nga harkak minsu laka. 15 Ngo nonua rimurilam jipvnv, nonua ngoogv nonua rinam apiabv rimu dubv vla. 16 ✝13:16 Mt 10:24; Lk 6:40; Jn 15:20Ngo nonua jvjv nga minjidunv: pakbu hv ninyigv Atua kaiyama dunv, okv jokria nvngv ninyia kanamla vngmunv anga kaiyama dunv. 17 Vjak nonu so gv jvjv nga chindu, nonu achialvbv mvngpu reku sum nonu riying bolo!"