João 9

Jisu nyi ako bvnglin lokv nyikching nvgo mvpu toku

1 Jisu vbv vngkarminto, nw nyi ako bvnglin lokv nyikching nvgo kaapa toku. 2 Ninyigv lvbwlaksu vdwv ninyia tvvkato, "Tamsarnv, yvvgv rimur vkudw ninyia bvngrilokv nyikching monv? Hv atugv lokvre vmalo ninyigv anvabu gv rimur lokvre?"

3 Jisu mirwkto, "Si so nyi gv rimur vmalo ninyigv anvabu gv rimur lokv ninyia nyikching moma. So nyi si nyikching pvnv v, ogulvgavbolo Pwknvyarnv gv jwkrw okv rinam a ninyi gvlokv kaatam dubv. 4 Vdwgo aluv asubv doodv ridw, ngonu ngam vngmunvgv lvgabv kudungkua riji rungdubv ridu; kanv ngv aariku vdwlo yvvka kudungkua rinyu kumare. 5 ✝9:5 Mt 5:14; Jn 8:12 Ngo vdwgo nyiamooku so dooridw, ngo nyiamooku gv loung ngv."

6 Vbv so miro kochingbv, Jisu kvdw lo tachor chorbiakto okv chorbiak kolokv eriungbv mego mvto; nw nyi hvkvgv nyiklo piaklwkto 7 okv minto, "Vngnyika okv noogv nyukmua sokak teka siloam gv svlv lo," (Siloam vla minam si "vngmukunam"). Vkvlvgabv nyi angv vngtoku, ninyigv nyokmua sokak toku, okv nyiktarla kaying lakula aakur toku.