Jisu Jerusalem lo Dvbv bv aakunam
28 Jisu hum mintoku okv vbvrikunamv bunua vngchoyala Jerusalem bv vngto. 29 Nw Betpej okv Betani gv adar Olib moodw lo aarilo, nw lvbwlaksu anyigo vngcho moto 30 svbv mingvrila: "Vngnyika nonugv vnglwkjiku nampum alo; nonugv vnglwk rilo, nonu siak ako riokwka manamgo takpvla vvpvnamgo kaapare. Um paksoklaila soka aagv tvika. 31 Nyi gonv nonua hum ogubv paksok dunv vla minbo loka, Ahtu19:31 AtuvVmalo so gv Atuv sum dinchidukv vla ninyia minpa laka."
32 Bunu bunugv lamtvlo vngkunamv Jisu gv bunua minam jvbv ogumvnwng nga paatoku. 33 Bunugv siak19:33 Siak-yikungyira bagrianv svnwng, gora jvbvridunv a paksok rilo, ho gv atu v bunua minto, "nonuno um ogubv paksok dunvla?"
34 "Ahtu sum dinchidu," bunu mirwkto, 35 okv bunu siak a naalaila Jisu gvlo aagv jitoku. Vbvrikunamv bunu bunugv vji a siak aolo puchato okv Jisunyi siak aolo chadubv ridurto. 36 Ninyigv siak aolo vngrilo nyi vdwv lamtvlo bunugv vji vdwa pipv nyato.
37 Vdwlo Nw Jerusalem gv nvchilo aatokudw, Olib moodw bv lamtv ilwk jiku mooku hoka, ninyigv lvbwlaksu vdwv twngtv rungbv bunugv ninyigvlo kaanam mvnwngnga Pwknvyarnvnyi umbonyikv vla okv ninyia hartvla minrap nyatoku: 38 "19:38 Miri 118:26Pwknvyarnv ayalaka Dvbvnyi yvvdw Ahtu gv amin lokv aanvnga! Nyidomooku lo sarsopoyo reku okv Pwknvyarnv gvlo kairungbv!"
39 Vbvrikunamv nyipam lokv Parisis megonv Jisunyi minto. "Tamsarnv," bunu minto "Noogv lvbwlaksu vdwa choibvkv vla minto!"
40 Jisu mirwkto, "Ngo nonua mindunv bunu choi kubolo, vlwng vdwv bunu atuv gamtv rungbv rumrapre."
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)