35 Jisu gv svbv minri hoka, Jairas gv naam lokv nyitampingko mego ho aalwkla okv Jairasnyi minpa toku, "Noogv kuunyijar v siro. Ogujego tamsar nvnyi mindwkminku dunv?"
36 Bunu ogugo minpvdw Jisu tvvriamato,5:36tvvria matoku; Vmalotvvbotvlikto. vbvritola ninyia minto, "Busu mabvka, mvngjwng mvnglaka." 37 Vbvrikunamv nw Pitar, Jems okv ninyigv boru Jon nyimwng ninyigv lvkobv vngmuto, yvvnyika vnggv mato. 38 Bunu Jairas gv naamlo vngchi toku, hoka achialvbv kapku nama siinyimar rinam a okv ogu kaagartapa madubv rinam vdwa Jisu kaatoku. 39 Nw arwnglo aala bunua minto, "Ogubv svbv kaagartapa madubv rinya dunv? Ogubv nonu kapdunv? Vmi si sima laka—nw yumwng dvlaka!"
40 Bunu ninyia nyarji nyato, vkvlvgabv nw bunu mvnwngnga agumlo nvnglintokula, vmi gv anvabua okv ninyigv lvbwlaksu aom a aagvla, vmi gv karku karchung arwngbv aatoku. 41 Nw vmi nyijar a laak lokv gakbwngto okv ninyia minto, "Talita koum," So minamsi, "Vmi nyijar, ngo nam mindunv gudung tokuka!"
42 Nw vjakgobv gudung toku okv vngcharvngyar raptoku. (Nw nyingring gola nyingnyi kunvgo.) Vbvriri hoka, bunu mvnwngngv lamngaknyato. 43 Vbvritola Jisu kadwk rungbv bunua minto yvvnyika minpa mabvka, okv nw minto, "Ninyia dvnam ogugo jigvrila dvmuto."
/images/a/WG5FS9VaSWVnVmV3VI8yP)
/images/a/Tcg2NiV7ce24OT6kCIQGR)