Mateus 26

Nyirunv vdwv Jisunyi rinying toku

1 Vdwlo Jisu so mvnwngnga tamsar sarro kochingbv nw ninyigv lvbwlaksu vdwa mintoku, 2 ✝26:2 Mog 12:1-27"Nonuno chindu, alu lonyi kochingbv Vngbo Dvmin Pumja ngv, okv Nyia Kuunyilo nga daapo lo takki dubv laklwk reku."

3 Vbvrikunamv nyibu butvnv vdwv okv nyigagaatv vdwv nyibu Butvyachok Kaipas gv Naam lo kaarwk minsu toku, 4 okv Jisunyi naasila naatung gvrila mvkidubv rungnyato. 5 Bunu minto, "Ngonu Pumja riri soka rima bvjuka, vbvribolo nyi vdwv yalungyachung bv rire."

Jisunyi Betani lo tvli piaktoku

6 Jisu Betani lo Saimon vnam kvvlo taik rila silvmanv gv naam lo dooto. 7 ✝26:7 Lk 7:37,38 Jisu gv dvla doorilo, mvvga nvgo takam pvchwng gulo achialv arv doonv nampunv tvli vkv bvla yila, nw gvlo aala dumpo nga pwke to. 8 Lvbwlaksu vdwv sum kaatola haachi nyato, "Sum mvnwng sum ogubv mva dunvdw?" Vla bunu tvvka nyato. 9 "So nampunv tvli sum kainvgobv piokgv rila morko nga heemanv vdwlo jibolo alvyare!"

10 Jisu bunugv minam a chintoku, vkvlvgabv nw bunua minto, "Nonuno ogubv so mvvga nvnga dwkya dunv? So si alvnvgo rigvnyibv okv ngam kaapu nvgo riji gvibv. 11 ✝26:11 Det 15:11Nonuno alu gv dwkia heemanv nyi vdwa lvkobv ribam dakbam tvdu, vbvritola nonuno ngam alu gv dwkia lvkobv ribam dakbam tvvma. 12 Nw gv ngam ogugo rinam si tvli nga ngoogv ayak lo pwke do ngam svma rijinama richo dunv. 13 Vjak ngo, nonua milv jila mindunv, so Gamlv sum ogolo mooku mvnwnglo japji rikudw, nwgv svbvrinam sum ninyia mvngpanam gubv minbwng jila minreku."

Jisunyi Judas koa dukubv tolwk toku

14 Vbvrikunamv lvbwlaksu vring gula anyi lokv akonv—Judas Iskeriot vnam angv—nyibu butv gvlo vngtoku 15 ✝26:15 Jek 11:12 okv tvvkato, "Ngo Jisunyi nonu gvlo koa lwkji kubolo, nonu ngam ogugo jire?" Bunu raaji lokdwng chaam go saplinla ninyia jitoku. 16 Hokv kongv Judas Iskeriot Jisunyi bunu gvlo laklwk jidukubv vla age kaarap toku.

Jisu lvbwlaksu vdwa lvkobv vngbo dvmin dvbam toku

17 Vpap lwkmabv Vtwng dvdw Pumja gv lotuloke alu lo lvbwlaksu vdwv Jisu gvlo aala tvvkato, "No ngonua ogolo noogv lvgabv Vngbokunam dvmin a mvpvripv svgo vla mvngdu?"

18 Nw bunua minto, "Pamtv lo nyi ako gulo vnggv rila minpa tvka: Tamsarbo mindu, ngoogv dw ngv aapvku; ngo la ngoogv lvbwlaksu vdwv vngbo dvmin a noogv naam lo rigingre.’"

19 Jisu gv minkubv lvbwlaksu vdwv vngbo dvmin a mvpvripvla riji toku.

20 Vdwlo arium tokudw Jisu la lvbwlaksu vdwv dvbam dvkubv vla dootung nyatoku. 21 Dvnam dvbam rilo Jisu minto, "Ngo nonua minpa jidunv, nonugv lokv akonv ngam koa reku."

22 Lvbwlaksu vdwv achialvbv mvngru nyala okv akonvgv kochingbv akonv ninyia tvvka raptoku, "Ahtu, jvjvbv no ngam mindu nvgo bri?"

23 ✝ 26:23 Miri 41:9 Jisu mirwkto, "Yvvdw ngam lvkobv vtwng nga taali lo nwkbok mingv dunv hv ngam koa reku. 24 Nyia Kuunyilo ngv Darwknv Kitaplo oguaingbv minpvdw vbvrila nw sire, vbvritola yvvdw Nyia Kuunyilo nga kupnv hv maatarbv mvngru runam gubv rire! ho nyi anga hv alvyayijinyi ninyia dwrwboklin manv guilo!"

25 Judas Iskeriot koanv angv minto, "Tamsarnv, jvjvbvbv no ngam mindu nvgo bri?" Jisu mirwk toku, "No minggv nyibv."

Ahtu gv Dvtardvnya dvgvnam

26 Bunugv lvkobv dvdung rilo, Jisu vtwng ariap go naagvrila, umbonyikv vla kumto, pintung piyung toku, okv um ninyigv lvbwlaksu vdwa jitoku. Nw minto, "Sum nonu naato, okv dvtoka, si ngoogv ayak kv."

27 Vbvrikunamv nw koobu a naatoku, Pwknvyarnvnyi umbonyikv vtoku, okv um bunua jitoku, "Sum nonu mvnwngngv tvngtoka," nw minto; 28 ✝26:28 Mog 24:8; Jer 31:31-34 "Si ngoogv oyi hv, si Pwknvyarnv gv umkvpakv vnamha mvu pvvnamv, ngoogv oyi hv mvnwng gv rimur vdwa mvngnganam lvgabv sarlin jipvnv.