Pwknvyarnv lvkobv tarwkbaknam
1 Vjak ngonu mvngjwng lokv Pwknvyarnv gvlo tarwkbak bv doodu kunv, ngonu gvlo 5:1Ngonu gvlo; Kitap kvvgo nvlo Kaju ngonu gvlo. Ahtu Jisu Kristo gv lokv Pwknvyarnv lvkobv sarsopoyo bv doodunv. 2 Ngonu vjakgv turdunam sum ngonu mvngjwng siku lokv Pwknvyarnv gv anyuaya nga hingkwkaakw dubv ninyi ngonua laalwk toku. Okv vkvlvgabv ngonu googvdu5:2 Ngonu googvdu; Vmalo kaju ngonu goolaju. mvngtin sinam lokv ngonu gvlo Pwknvyarnv gv yunglit namv doodu kunv vla! 3 Ngonugv hirukaya aka ogumvngma bvku ngonu umka googv dunv, 5:3 Ngonuka goodu Vmalo Ngonuka klai goolaju. ogulvgavbolo ngonu chinduku hirukaya namsi saktv nvnga garlindu, 4 Saktvla rinam am laalwk namv Pwknvyarnv gv umbo mvngnamv, okv ninyigv umbo mvngla mvlinnamv mvngtin ngv. 5 So mingtin pvvnamv mvnglak padubv ngonua rinam kaamare, Pwknvyarnv ninyigv paknama ngonugv lvgabv haapok lo pwlwk toku Darwknv Dow lokv, ngonua anyuamin bv amin jinamv.