5 ✝12.5-6 Jop 5.17, Snd 3.11-12God nɨbop nɨŋɨd, kɨli gos sek yenɨgel agɨl takaw tep agñak. Takaw anɨb ak agñɨl, nɨbi ñɨpay yad okok mɨdebɨm agak ak, sawl gɨpɨm tek lup? Ne agak,

Ñɨpay yad okol, Bɨawl ak nɨbop gos tɨmud wukɨlɨg mɨŋel ñɨnɨgab ak, ak tap yokɨp tek gos ak ma yɨbɨl nɨgɨnɨmɨb agak. Tap si tap tɨmel gem nɨbop ag gɨnɨgab ak, gos kuŋay ma nɨŋɨd gos sek yenɨmɨb agak. 6 ✝12.6 Sng 94.12, Jem 1.12, Lep 3.19Nɨb nepɨm, Bɨawl binɨb kɨlop mapen lup okok, kɨlop gos tɨmud wukup agak. Pen binɨb kɨlop dɨl ñapay yad agup okok, kɨlop mɨdupsek tapɨn pakup agak.

7 ✝ 12.7 Lo 8.5, 2 Sml 7.14, Snd 13.24, 23.13 Nɨbop gos tɨmud wukup ak, jak mɨdɨl gos awl ma nɨgɨnɨmɨb. Nɨb nepɨm, nap okok kɨli ñɨpay gɨtep gɨl mɨdtep gɨlaŋ agɨl, kɨlop gos tɨmud wukɨpal. Anɨb ak mɨŋel ogɨnap apek koslam mɨdebɨm ak, Bapi chɨnop gos tɨmud wukeb agɨnɨmɨb. 8 ✝12.8 Sng 73.15, 1 Pi 5.9God ñɨpay ne okok kɨlop mɨdupsek gos tɨmud wukup. Ak pen nɨbop gos tɨmud ma wukup tek, ñɨpay ne okok ma mɨdebɨm. Binɨb nap sek ma mɨdebɨm okok nɨm anɨgup. 9 ✝12.9 Sav 12.7, Ais 42.5Pen nɨm ak abe nɨgɨnɨmɨb. Bapi chɨn lum awl okok, chɨnop gos tɨmud wukel, tep tɨmud wukɨpal agɨl yɨb awl kɨlop ñɨbun. Anɨb ak tek, Bapi man ne alaŋ mɨdeb ak gos tɨmud wukek, nop muk okok mɨdɨl tep yɨbɨl anɨgup agɨl gos nɨgɨnɨgun. Pen anɨgɨl nɨm, pelpel yonɨgabun.