36 Ka luw di la wou sakwaing me la tyip wou memiing valu om tambiy on neil, "Wei, memiing inye. Nambei nya ekom a se teyei bei zipek?" 37 [De Pilip neil, "Wangwei wang bongis laleim dalus nei, yond wang teyei being zipek." De moxo lewexe me neil, "A wongis bei Yesu kilisi yon Anutu Neu Moux."] 38 Om moxo neil me karis nale, de luw Pilip xouing teila eivek memiing me Pilip lipek e. 39 Ka luw lek loum veil memiing, Laweeng Vambuing wei Tambiy Ngandoung eno lam lutika me qou Pilip de malang, om tambiy on se lox yei e no, ekom moxo di la wou sakwaing is xeilala me la beeng.