João 12

Yesu la eivek Yerusalem nambei king

12 Bouk nge eno xel qendu ngandoung wei lam en Pasova eno ngo bei Yesu di lam Yerusalem. 13 Xel qou zangholeng mema me la myayaing en xel embei na pelong e, xel di taxe bei,

"Hosana!"

"Mata ena wou tambiy tiwei lam lek Tambiy Ngandoung lei yo!"

"Mata ena wou king wei Israel xe yo!"

14 Yesu yei dongi lingheing ti me dei lek, nambei xel byex eivek xoulek o,

15 "Sayon neu vex wa seng gwaleeng,

wei, wa xe king di lam,

Moxo dei lek dongi lingheing ti."

16 Myaxeeng eno e xe xel betiyeing se woulek lulti beimambei ne dalus qes. Qe ka Anutu wo lei ngandoung wou Yesu, om xel woulek xoulek wei yeip eivek qapiya yo, me xel wou naleind en lulti beimambei wei xel wong woy wou e yo.

17 Nanghei inyei eno xel qendu ngandoung wei toundei is e gyeik ingwei moxo taxe Laserus nanghei leiveeng meyeing me e qandi lek me lam veil meyeing eno xel di tetulexe qayeeng on lala. 18 En qes tine is ambei nyon xomaxoneing ngenong la pelong e en xel ngo ingwei e wong dee wei lulvako yo. 19 Om xel Parisiyeiw di neil wouma bei, "Wei, xey se teyei bei bo lulti. Xam ghe wei kwa yon, xel dalusateiv wei tembuing sapa eno la betiwou e."