23 Xel vevek tuw Yesu lek xax pepeeng woy, eno xel qou e xe teimb dalus me dembu e la qendu vey, ti wou xel titi, is teimb ding wei xel duw en qaeing tixemou nanghei kwa me e la vaxa yo.

24 Xel neil wouma bei, "Xey ambei se zex teimb tine qe xey ambei banex qakous dee me na ghei bei eti tyek na qou."

Tiyon la teyei lek xoulek wei di yeip eivek qapiya wei neil embei,

"Xel dembu a xe teimb wouma eivek xel venaxow senghoing

de xel nex qakous dee en a xe teimb ding." Qapiya Lalo 22:18

Om inye vati wei xel vevek wong o.

25 Paviy Yesu xe xax pepeeng eno ta me ta li vex toukale, me Maria wei Klopas venei me Maria wei Makdala yo. 26 Gyeik ingwei Yesu yei ta nanghei inyon me betiyeing tiwei e lalei vind o toukale paviyeing, eno Moxo neil wou ta, "Vex wei, wa neum moux inyon," 27 woyom neil wou betiyeing tiyon bei, "Wei, vex tiyon wa tam." Lek bouk kayon me e mi la, eno betiyeing tiyon qou vexo me la e maxow beeng.