46 Yesu lox me la beyeeng Kana eivek Galili no, wei nanghei inyon eno moxo pekwi memiing wo wain. De nanghei inyei eno king xe beyeiv ti neu moux vanei wong me e di yeip anghei Kapenaom. 47 Woyom tambiy tiyon ngo bei Yesu la veil Yudia me la toundei Galili, eno moxo la wou e me tay wou Yesu bei e nam bong e neu moux bo nimzalek, en neu e bim amey.
48 Yesu neil wou e, "Wangwei xam ne seng gwei dee wei lulvako yo ond xam seng mi wongis."
49 King xe beyeiv neil wou e, "Teiv, wang nam axone daing enok a neung amey."
50 Yesu neil elox wou e bei, "Wang nox en neum tyek na toumendei mapieing."
De moux tiyon wongis qayeeng wei Yesu neil o me la. 51 Ka moxo di la wou sakwaing, e xe xel xukxe lam pelong e me neil wou bei, neum toundei mapieing. 52 Woyom moxo teling xel en seivma wei neu wo nimzalek, eno xel neil wou e, "Gying ma veil e vezeiveeng soukeing wei seivma ti yo."
53 Woyom ma woulek bei lek seivma kayon eno Yesu neil wou e, "Neum tyek na toumendei mapieing." Om moxo is nipapu dalus wei e beeng eno wongis.
54 Inye dee wei lulvako luyuw wei Yesu wong gyeik e la veil Yudia me la toundei Galili yo.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)