43 Me vex ti toukale inyon eno gyand mi lam eivek e teyei lek vakovek qes xoumeeng yuw, me vex tiyon mi saing e xe malew la wou dokta ekom xelti se wong e wo nimzalek. 44 Vexo la nale wou Yesu demi me axlek e xe teimb ding myasepu, lutika eno gyand touk veil e.
45 Yesu teling bei, "Eti axlek ay?"
Gyeik xomaxoneing axvun, eno Petele neil, "Teiv, xomaxoneing ngenong nale vingama zeyi wang o."
46 Ekom Yesu neil embei, "Xelti axlek ay. A woulek ingwei nikanzek lam myayaing veil ay yo."
47 Woyom vexo yei bei tyek se ghupek, om la is nietekeing me ev vaxa qatu eivek wou Yesu vaxa eivek xomaxoneing dalus mend, vexo neil ingwei nambei nya axlek Yesu me nambei nya wo nimzalek luti. 48 Woyom Yesu neil wou vexo, "Neung vex, wa xe wongeingis wong wang wo nimzalek. La is laleim vevopeing."
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)