Xax basunghek mupek
20 Eivek satiboukeing, ka xel di la wou sakwaing, eno xel yei xax basunghek mupek lek luselis me la pundanghou. 21 Petele wounalei en me neil wou Yesu, "Putoung, wei! Xax basunghek wei wang neil vyam lek eno mupek on!"
22 Yesu lewexe, "Xam ghe bongis Anutu. 23 A neil wou xam zonghek, wangwei xelti e neil wou lukendu tine, ‘Qandi me nex xow la eivek mamileeng,’ me e lalei se bo yuw qe e bongis vati wei neil, on tyek bo neing lek ambei kawei e neil o. 24 Nambei nyon a neil wou xam, vati wei xam ghe zeimemamim en, eno xam ghe bongis bei xam ghe qou woy, me inyon tyek bong ambei xam ghe teling en o. 25,26 Me gyeik wa bale en zeimeing mema me wangwei wa laleim embo nilul wou xel nge, ond semaleeng e xe sewokeing veil e, en kandek Mam wei toundei eivek tyoung gheyapu nei eno semaleeng wa xe sewokeing veil."11:25-26 Qapiya takwei eno xel tetulexe qayeeng tine valu lek: Ekom wangwei wa se semaleeng xel nge xe sewokeing on tyek mam wei toundei eivek tyoung gheyapu nei eno tyek se semaleeng wa xe sewokeing veil.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)