26 'Esa moi riaka dodoto, bika niongano-nganono kokia 'ania jako ma 'orasi ma Jo’oungu ma Dutu wini’asoko. Moteke 'o nyawa ma di-dibangi, koyamuruokawa nginioka naga gee yoba-barija, bolo yopa-pareta, bolo 'o nyawa yola-laagomo. 27 'O nyawa gee 'o duniaka ne’ena yakimakeka yohaga-haga, go’onau ma Jo’oungu ma Dutu wakiiriki la 'o nyawa yoba-barija moteke 'o dunia ma di-dibangi yakimaeke. De 'o nyawa gee moteke 'o dunia ma di-dibangi yakimakeka koyokuatuwa, 'onau ma Jo’oungu ma Dutu wakiiriki la 'o nyawa gee yokua-kuata de yomo-moroini yakimaeke.