Nia roese niapake ma ngale winisitedene ma Jo’oungu ma Dutu
12 Naga 'o nyawa yongose 'ato, << 'O nyawa 'iodumu kaidadi padiai 'okia naga bato,>> ma moteke ngoi 'okia naga gee kaidadi padiai ge’ena koiodumuwa de ma faedaaka. So ngaro 'o sagala moi-moi kaidadi tadiai, ma moteke ngoi, ngoi tooluku 'ena 'ipareta. 13 Naga mita yongose 'ato, << 'O 'inomo ge’ena 'o pokoro ma bula, de 'o pokoro ge’ena ma ngale 'o 'inomo ma ngii.>> Ma ge’ena modidi 'asa ma Jo’oungu ma Dutu waisanga. 'O nyawa ma roese koidadiwa yosipake ma ngale yomakapake kaitimaronga, ma duga ka ma Jou wisileleani. De ma Jou 'asa wapaliara 'o roese ge’ena.