3 Sababu ma Jo’oungu ma Dutu wi mau konaneda: Nio’ahu moteke ka ma Jo’oungu ma Dutu wi mau de 'uwa niomakapake kaitimaronga. 4 De ngini moi-moi salingou nianako, salingou nia wekata 'o ngai nimamo-moi, la 'ani 'ahu 'itiai de nihoromati.*4:4: Bolo, <<De ngini moi-moi salingou nianako kokia niapareta 'ania roese ma sirete la ma Jo’oungu ma Dutu wi singina 'isanangi de 'o nyawa nihoromati.>> 5 'Uwa niamoteke 'o nyafisuu ma dorou, gee 'isoka 'o nyawa kowinako-nakowa ma Jo’oungu ma Dutu yadi-diai. 6 Ma ngale ge’ena ka moi ma koidadiwa niakisihaga bolo niakisiliba nia 'esa moika. Sababu 'o nyawa koge’ena yodi-diai dua ma Jo’oungu ma Dutu wakihukumu moteke manga di-diai 'isoka gee ma sirasi miosidemokau nginika. 7 Ma Jo’oungu ma Dutu wona’asoko ge’ena ma ngale ko 'o nyafisuu ma dorouwa padiai, ma 'ena salingou padiai gee ma Jo’oungu ma Dutu wodua-duaka.