2 Timóteo 3

'O wange ma du-du’uruoka

1 Nosi-singina naneda: 'O wange ma du-du’uruoka dua 'o susa 'o gudai. 2 'O nyawa 'asa yosilamo-lamo ka to 'ona ma sirete manga roesino, ka 'o pipiou yodopokana, 'o gedenge de manga demo-demo kadakuino. 'Ona yoduaka 'o nyawa yasela-sela, yakidukuata 'o balusika, koyanakowa yo’amalaha, de yodu’uduku 'okia sonaa gee ma Jo’oungu ma Dutu wodua-duaka. 3 'Ona yooluku yakidora 'o nyawaka, yooluku yakisipidili 'o nyawa manga sowono, 'ona yoduaka yodiai 'o nyawa manga ronga ma dorou, yomarofu-rofu, yotabangamo, de koyoduakuwa yaowa-owa.