Apocalipse 13

2 'O haewani tamake-make ge’ena ma lugo 'isoka 'o macan, de ma dou 'isoka 'o beruang ma dou, de ma 'uru 'isoka 'o singa ma 'uru. De ma haewanika ge’ena, 'o naga 'ikula to 'ena ma sirete ma guata, de ma kuasa gee 'iamo-amoko, la ma haewani ge’ena 'ipareta.

6 Ge’enaka de 'ena 'ikurue wisito-torou ma Jo’oungu ma Dutu de 'awi ronga, de 'awi ngii womanoa-noa, mita gee yoodumu yomanoa-noa 'o sorogaaka. 7 'O haewani ge’ena ma Jo’oungu ma Dutu wosidipidilika mita yakudoti to 'una 'awi kawasa de yosikala. De 'ena yapareta 'o sagala suku, 'o sagala negara, 'o nyawa gee moi-moi manga demo yopake-pake de 'o soana 'iodumu.