'O SIDUMUTU 3

'O besesongo 'o Sardis ma jamatika

1 Ge’enaka de wongoseli, << 'O surati nolefo 'o jamati ma balusika 'o Sardis ma kotaka konee: 'Una gee 'awi ngomasa ma Jo’oungu ma Dutuno 'o ngai tumudiingi de 'awi ngoma ngai tumudiingoka*3:1: Palega Sidu. 1:4, 16. gee wositotara 'o besesongo ne’ena nginika. Wongose 'ato, <Ngoi tanako to ngini nia 'ahu kokia. Bari ngini konimadawa ngoi, 'ena momongo koniamotekuawau 'ai mau. 2 Sababu ge’ena, nimariwo niosikuatoli nia singounu gee koiisanga 'isigilawasi nginioka naga. Sababu ngoi tamake 'okia naga niadi-diai ge’ena ma Jo’oungu ma Dutu wamaoku ka moi ma koitotomuawasi.