35 Naga 'o sagala moi-moioka ngoi tosidumutokau 'ai 'ahu ma sigoronaka 'ato pomakuata pomanarama kone’ena, ge’ena salingou pakiriwo 'o nyawa gee koyomado-do’oawa. Sababu ngone salingou pongano-nganono 'okia naga ma Jou Yesus wongosekau, <Podawongo de pokula 'ifoloi 'isanangi pokula.> >>

36 'O Paulus wobicara 'iduangino, de yoodumu yokokibukuku 'asa de yolahidoa. 37 'Ona yoodumu yo’ari yomasigoono 'o Paulusoka de wiame*20:37: 'O Paulus wiame ge’ena 'o Timur Tengaaka manga 'adati. deika yongose 'ato, <<Tei sioko notagiou!>> 38 'Ona manga singina 'ifoloi 'isusa sababu 'o Paulus wongose 'ato dua koyomakamakewau. Ge’enaka de 'ona wisi’otaka sigado 'o kapalika.