19 De nimabi-bicara ge’ena salingou niapake 'o demo-demo 'o Mazmuroka, ma Jou powisiarene ma nyanyioka, de pojaru powisitedene ma Jo’oungu ma Dutu. Ngini salingou niomore-morene nionyanyi ma Jou winisiarene. 20 Naga 'o sagala moi-moioka, ngini salingou kaitaurika nio’amalaha ma Jo’oungu ma Dutuka to ngone nanga Dea, niositesongo de ma Yesus Kristus to ngone nanga Jou 'awi ronga.