'O giabereki
21 Ma ngale winihoromati ma Kristus, ngini salingou nimaka’isene moi de moi.
22 Ee, ngini 'o weka-wekata, salingou niaki’isene nia rokatika, 'isoka ngini wini’isene ma Jouka.
25 Ee, ngini 'o roka-rokata, salingou niakisibosono nia wekata, 'isoka ma Kristus wosibosono 'o jamati de womodeke wiso-songene ma ngale watuusu 'o jamati. 28 Koge’enali mita 'o rokata salingou yakidora manga wekatika 'isoka 'onali ma sirete yomadora. 'O nyawa gee manga wekata yadora, ge’ena ma ngale yomadora 'ona ma sirete. 33 Ma ma bo-bula ge’ena mita ma dumutu nginika. 'O roka-rokata 'iodumu salingou manga wekata yosibosono 'isoka 'ona ma sirete yomasibosono, de 'o weka-wekata salingou yakihoromati manga rokatika.