Efésios 5

25 Ee, ngini 'o roka-rokata, salingou niakisibosono nia wekata, 'isoka ma Kristus wosibosono 'o jamati de womodeke wiso-songene ma ngale watuusu 'o jamati. 26 Ma Kristus koge’ena wadiai la 'una 'idadi wonatebini ngone 'o jamati de 'awi do-dotoko de 'o go-gosiki ma 'akere ma ngale pomarimoi de de 'una, la dua 'una 'asa 'idadi wonasisarakani ma Jo’oungu ma Dutuka. 27 Ge’enau so ma Kristus wonadiai, la ngone 'o jamati poma’okode 'awi bionoka 'ena posironga de pokumatioka de potebi-tebini, de ko naga kiawa 'ikurangi, de nanga sala ka ma eta ma koi’iwa.