'O IBRANI 2

14 Sababu 'o nyawa-nyawa gee wakisironga 'o ngowaka ge’ena la 'o nyawa gee kaidadi yosongene, so 'o Yesus ma sirete womadiai 'isoka 'ona de wo’ahu 'isoka 'o nyawa. 'Una wodiai koge’ena, la ma ngekomo wosongene, 'una wodiai 'o Tokata ma Koana gee 'o songene yaparetano koimado-do’oawau. 15 Ma ngekomo ge’enau 'una wosipidili 'o nyawa-nyawa gee manga 'ahu ma sigoronaka 'isoka 'o yongosi sababu yodomodongo yosongene.