17 Ne’ena ma ngale 'una salingou wodadi kaimatero de 'o nyawa, ma ngale 'una mita womao 'o sangisara de 'okia sonaa 'i’ini-'inioka. La 'una wodadi 'o 'Imam ma Amoko*2:17: 'O 'Imam ma Amoko ge’ena 'o nyawa manga su-suba yositede-tedene ma Jo’oungu ma Dutuka de yosi’asa-'asa 'o lo-lomu 'itebi-tebini. gee wosingou-ngounu ma Jo’oungu ma Dutuka de wi dora 'iamoko la ma Jo’oungu ma Dutu kowosi-singinawau 'o nyawa ma so-sowono.