Ma Jo’oungu ma Dutu 'awi 'umati yomaoma-omasa
7 Sababu ge’ena, 'isoka 'o Ngomasa 'Itebi-tebini 'ingosekau 'o Buku 'Itebi-tebinoka,
<<Ne’ena ma wange gee ngini nio’isene ma Jo’oungu ma Dutu wi 'ilingi,
8 'uwa nia singina nia’opini
'isoka ma sira nia edete de nia dotumu
gee yomalawani ma Jo’oungu ma Dutuka de mita witaili 'o tonaka 'ika-kakasaka.
12 'Esa moi riaka dodoto, nimasitiari 'uwa sigado nginioka naga moi manga singina 'itorou ma sala de koyongakuwau, so wimada ma Jo’oungu ma Dutu wowango-wango gu’una! 13 La nginioka naga ka moi ma 'uwa 'o sowono nisihaga sigado nimalawani ma Jo’oungu ma Dutuka, ngini salingou nimakadongose moi de moi 'o wange 'isinoimi ma 'orasi ngone kapo’ahuosi 'o 'orasi ma dodaka gee yosironga <<Ne’ena ma Wange>> moteke 'o Buku 'Itebi-tebinoka 'isilefoku.
15 Ne’enau gee 'isilefoku 'o Buku 'Itebi-tebinoka 'ingose 'ato,
<<Nako ne’ena ma wange ngini nio’isene ma Jo’oungu ma Dutu wi demo,
'uwa nia singina nia’opini, 'isoka 'ania edete de nia dotumu
gee yomalawani ma Jo’oungu ma Dutuka.>>3:15: Palega Mzm. 95:7-8.