1 'O jaji ma di-disiraka gee 'o Musa wositota-totara, ge’enaka de ma 'ena 'o 'atorangi ma ngale 'o nyawa wisuba ma Jo’oungu ma Dutu de mita 'o 'atorangi ma ngale ma Jo’oungu ma Dutu wi suba-suba ma ngii gee 'o nyawa yodi-diaiku. 2 'O woa moi yodiaide, de gee ma bionino 'idadu yosironga 'o Ngii 'Itebi-tebini. Ge’enaka dau 'o silo ma to-todenge, de mita 'o meja de 'o roti gee yosisuba-suba ma Jo’oungu ma Dutuka.*9:2: Palega Sisu. 26:1-30, 25:23-40. 3 Doka ma dodaka, ge’ena la gee 'o Ngii 'Itebi-tebini ma da-datoko 'o ngai moioli ma dudunika, ge’enaka 'o ngii gee yosironga 'o Ngii 'Itebini 'Ifo-foloi.*9:3: Palega Sisu. 26:31-33. 4 Ma ngii ge’ena ma dodaka 'o manyanyi*9:4: 'O gota ma tigono ma bounu yaowa-owa gee yatuu-tuuku ma ngale manga su-suba yadi-diai. yodu-dutuuku ma ngii gee 'o guraci yadiaiku, de 'o peti moi yosironga 'o Jaji ma Peti*9:4: Yosironga 'o Jaji ma Peti ge’ena sababu ma no-nako ma Jo’oungu ma Dutu 'awi jaji 'o nyawaka. gee yosilape yabootoka de 'o guraci. Ma peti ge’ena ma dodaka doka de ma 'ena 'isoka 'o 'akere ma ngii 'o guraci. De ma 'akere ma ngii ge’ena ma dodaka 'o manna,*9:4: 'O manna ge’ena 'o Israeloka manga 'inomo ma Jo’oungu ma Dutu wakikula-kula ma 'orasi 'ona manga do-dagi ma sigoronaka yosikaika 'o Kanaan ma tonaika. de 'o Harun wi papadi gee 'ito-to’ori, de 'o teto 'ipa-palaka 'o ngai modidi gee 'isilefoka 'o besesongo mogiooko ma Jo’oungu ma Dutuno.*9:4: Palega Sisu. 30:1-6, 25:10-16, 16:33; Do-doi. 17:8-10; Gili. 10:3-5. 5 Ma peti ma dekuoka ge’ena 'o dulada 'o ngai modidioka de ma gatuuoka gee yosironga 'o kerub,*9:5: Ge’ena 'isoka 'o mala’ekati. 'isino-nako ma Jo’oungu ma Dutu woku-kumati 'awi bo-boa. Ma dulada ngai modidi ge’ena ma gatuuku 'isoseka ma peti ma da-damunu ma dekude, ge’ena la 'o so-sowono ma du-duusu ma ngii. Ma 'iodumu ge’ena koidadiwa posiwaiti pamoi-moi ma 'orasi ne’ena.*9:5: Palega Sisu. 25:18-22.