'O Yesus 'una ge’ena nanga ngekomo posikaika ma Jo’oungu ma Dutuka
1 'O Yesus wongose 'awi do-domoteika, << 'Uwa nia singina 'isusa. Salingou niongaku ma Jo’oungu ma Dutuka de mita ngoino.
16 De ngoi 'asa toga’asoko 'ai Deaka, la winikula 'o Ro-riwo moioli, gee dua 'imanoa nginioka kaisi’ado-'adonika. 17 'Ena ge’ena 'o Ngomasa 'Itebi-tebini gee dua nisidumutu 'iti-tiai ma ngale ma Jo’oungu Dutu. 'O nyawa 'o duniaka gee koyongaku-ngakuwa, 'ona koyadawonguwa 'o Ngomasa 'Itebi-tebini sababu 'ona koyamakewa bolo koyanakowa. Ma ngini nianako, sababu ge’ena 'ena naga de de ngini, de dua 'ena 'imanoa 'ania singinaka.
18 Ngoi 'asa kotinisidamadakawa ka nginioka 'isoka 'o go’osisi. Ngoi 'asa tolioli nginino.
26 Ma 'o Ngomasa 'Itebi-tebini, 'o Ro-riwo gee dua 'ai Dea wosidingoto ma ngale 'ai dagali, 'ena 'asa nisidotoko 'o sagala moi-moi, de nisinganono 'okia naga tosidemokau nginika.