'O YOHANES 17

15 Ngoi kotoga’asokuwa naki’ese 'o duniaka ne’ena, ma ngoi toga’asoko la nakijaga la 'uwa 'o Tokata ma Koana yakitaili. 16 'Isoka ngoioli ne’ena kotomarimoiwa de 'o dunia ma nyawa,*17:16: << 'O dunia ma nyawa>> ma ngale gee koyongaku-ngakuwa. 'ona mita koyomarimoiwa de 'o dunia ma nyawa. 17 Nakidiai 'ona ge’ena ka to ngona 'Aba, ma ngekomo 'o do-dotoko 'iti-tiai. 'Ani demou 'Aba ge’ena la 'o do-dotoko 'iti-tiai. 18 'Isoka ngona 'Aba noisulokokau 'o duniano, koge’enali mita 'ona takisuloko 'o duniaka.