Lucas 1

59 Gee 'o ngowaka ge’ena ma 'umuru 'o wange tuangerou, de 'ona yoboa wisuna. 'Ona yomau 'o ngowaka ma dingoono gu’una wisironga 'o Zakharia moteke ma dea wi ronga.*1:59: Ma 'orasi ge’ena to 'ona ('o Israeloka) manga 'adati koge’ena. 60 Duga ma 'esa mongose, <<Ko’uwa! 'Una salingou wisironga 'o Yohanes.>>

61 De 'ona yongose munaka, << 'Ani 'esa moi komoiwa manga ronga koge’ena.>> 62 Ge’enaka de 'ona yosano 'o Zakhariaka kayoakotawi 'okia wisironga 'awi ngowaka gu’una.

63 'O Zakharia woga’asoko 'onaka 'o teto yatuli-tulisi moi de watulisuku, << 'Awi ronga 'o Yohanes.>> 'Ona yoodumu yoherangi. 64 Kage’ena ma 'orasi de 'o Zakharia 'idadiokauoli wobicara de wisiarene ma Jo’oungu ma Dutu.