Lucas 14

'O Yesus wosi’aiki wimoi 'awi panyake Pomaoma-omasa ma Wangeka

1 Ma moi ge’ena Pomaoma-omasa ma Wangeka, de 'o Yesus wotagi wo’odomo 'o Farisioka manga balusu wimoi 'awi woaka. Ge’enaka dau ma Farisioka gu’una 'awi ma-manai*14:1: 'O Farisioka gu’una 'awi ma-manai, ge’ena yokudai ka 'o Farisiokali de 'o 'agamaka yodoto-dotoko. yoboano mita ma ngale yo’odomo; 'ona kawisilega 'o Yesus. 2 De wimoi wibere-bere 'awi giama de wi dou 'iobo-oboso waino 'o Yesusino. 3 Ge’enaka de 'o Yesus wosano 'o 'agamaka yodoto-dotoika de 'o Farisioka ge’enaka dau gee, <<Moteke to ngone nanga 'agama ma 'atorangi, kaidadi posi’aiki 'o nyawa manga panyake Pomaoma-omasa ma Wangeka bolo koidadiwa?>>

4 'O 'agamaka yodoto-dotoko de 'o Farisioka go’ona kayomarii-riidika. Ge’enaka de 'o Yesus wi’ao wopa-panyake gu’una de wisi’aiki. Wisi’aioka de wisuloko wotagikau.