12 'O dodotoka gee kawongosekau ma deaka, < 'Aba, nanga harataa noisibulanou to ngoi ka kone’enasi.> So manga harataa ge’ena ma dea wakisibula 'awi ngowaka yamididika. 13 'O wange muruo naga 'ipasano de 'o ngowaka 'o dodotoka gu’una wawukunokau 'awi bula ge’ena, de wotagi 'o daeraa 'ikuru-kurutika. Ge’enaka doka 'una 'awi pipi ge’ena wosisasaru kawosiso-somoa. 14 Gedagee 'awi pipi 'ibootokau de 'o baulaco ma kiamati 'idadi ma daeraaka ge’ena, so wosaigalere. 16 So womanarama 'ena wisawini 'ifoloiokau sigado womau 'o titi ma 'inomo ge’ena wa’odomo. Ngaro wisawini 'ifoloiokau, ma komoiwa 'o 'inomo wikula. 17 Ge’enaka de womatoduba de 'awi singina ma dodaka kawongosekau, < 'O nyawa gee yoma-manarama 'o sewa yo’ese-'ese 'ai deaka posironga de manga 'inomoka, de ngoi ne’enaka dau 'o sawini rekeni tosisongenoka! 18 Ngoi dua tolio 'ai deaka de tongose 'unaka: 'Aba, ngoi tosowonokau ma Jo’oungu ma Dutuka de mita ngonaka. 20 So wotagiokau wolio ma deaka.
'O woaka 'ena 'o gurutikasi, 'ena ma dea wimakekau. De ma dea wi singina so kawido-doowarika wikooo de wiame.