'O LUKAS 2

'O Yesus 'o duniano wosupu

1 Ma 'orasi ge’ena 'o Agustus, 'o Romaka manga Koana ma Amoko, 'awi kawasa yoodumu wakisuloko manga ronga yosilefo la wakidoimi kokia manga gudaioka. 2 Ma do-doimi ma si-siraka ge’ena wodiai ma 'orasi 'o Kirenius wogubernurosi 'o Siriaka. 3 Ma 'orasi ge’ena 'o nyawa 'iodumu yotagi manga ronga yosilefo moi-moi manga kotaka.

4 'O Yusuf mita womagoraka 'o Nazaret ma soanoka, 'o Galilea ma daeraaka wosikaie 'o Betlehemude 'o Yudea ma tonakie, ma Koana 'o Dautu woda-dalahiroka, sababu 'o Yusuf wi 'asali ma Koana 'o Dautino. 5 'Una de 'awi baingi 'o ngo Maria gee motu-tubusou, yotagi manga ronga yosilefo.